සංගීතය ගැන සරලව ඔබට යමක්....

         

    සංගීතයේ ස්වභාවය අනුව කොටස් කිහිපයකට වර්ගීකරණය කළ හැකි වේ.

                       1. සංස්කෘතිකමය ගුණාංග
                       2. කලාත්මක ගුණාංග
                       3. කෘත්‍යමය ගුණාංග
       ‍
 
සංස්කෘතිකමය ගුණාංග අනුව සංගීතය

සමාජය විසින් සම්මත කරගත් සංගීත ශානරයකි. පොදු අදහස්වලින් නිර්මාණය වී තිබේ. වෙන් වෙන් වූ මෝස්තර නිර්මාණකරුවන්; රසිකයන් එ් වටා එ්කරාශී වී තිබේ. එම සංගීතයට එයටම අාවේණික වූ ලක්ෂණ පවති. එනම් හැසිරීම් රටා; ගායන විලාශ; සංගීත භාණ්ඩ අාදිය පවතී. එය අනෙක් සංගීත ශානරයන්ගෙන් වෙන්ව හදුනාගැනීම සදහා ද බෙහෙවින් ඉවහල් වී තිබේ. එහි සංස්කෘතියට අවශ්‍ය පරිදි සංගීතය නිර්මාණය වේ. උදාහරණයක් ලෙස සිංහල සංගීතය දැක්විය හැකිය. සිංහල ජන කොට්ඨාශයේ අභිරුචිය හා අභිමතය අනුව සංස්කෘතිය විසින් ම නිර්මාණය කරගෙන තිබෙන සංගීතය සිංහල සංගීතය වේ. එහි සිංහල ජනතාවගේ සිතුම් පැතුම්; ජීවන ශෙෙලිය; සාරධර්ම. භාෂාව; අාගම අාදී විවිධ අනන්‍ය වූ ලක්ෂණ විද්‍යමාන වේ. ගමයි පන්සලයි වැවයි දාගැබයි යන සංකල්පය; අම්මා; ඉර සද තරු අාදී වූ වස්තු පිළිබදව විවිධාකාර ලෙස පබැදුණු ගීත සිංහල සංගීතය තුළ සුලභ වේ. පවතින සංස්කෘතියට පටහැනි නිර්මාණ බිහිවන අවස්ථාවලදී එ්වා වාරණයට ද ලක්වේත එයට හේතුව නම් සිංහල සංගීතය පොදු අදහස් මත නිර්මාණය වන බැවිනි. 

කලාත්මක ගුණාංග අනුව සංගීතය

            මෙහිදී භාෂාව මූලික පදනම කොට ගනී. නිර්මාණකරණය හා කලාකරුවාගේ තාක්ෂණික දැනුම හා තාක්ෂණික උපකරණ පිළිබදව විශේෂ අවධානයක් යොමු කරනු ලැබේ. එහිදී ඝෝෂාකාරිත්වය ද ලක්ෂණයක් කොට ගනී. මෙය සංස්කෘතිය මත පදනම්ව බිහි නොවන හෙයින් මෙහි විශේෂිත අරමුණු පදනම් කරගෙන තිබෙන බව කිව හැකිය. සමාජය පිළිබද අදහස් සන්නිවේදනය කිරීමට; කලාකරුවාගේ විශේෂිත අදහස් සමාජගත කිරීමට මෙම සංගීතය උපයෝගී කරගනී. එ් සදහා කලාකරුවාගේ කුසලතා; හැකියාවන්; වාදන දක්ෂතාවයන් ගායන විලාසයන් කලාකරුවාගේ සමාජ සන්දර්භය හා සමාජ පසුබිම අවබෝධ කරගැනීමෙන් එම සංගීතය වටා බොහෝ පිරිසක් එ්කරාශී වී තිබේ. උදාහරණයක් ලෙස රොක් සංගීතය දැක්විය හැකිය.

කෘත්‍යමය ගුණාංග අනුව සංගීතය

          ස්ථානය; අවස්ථාව අනුව නිර්මාණය කරගන්නා සංගීතය මෙයට අයත් වේ. උදාහරණයක් වශයෙන් කතෝලික පල්ලියේ ගයන පසන් ගීත දැක්විය හැකිය. එ් සදහා යොදාගනු ලබන සංගීත භාණ්ඩ ද එ් අවස්ථාවට උචිත වන අයුරින් සපයා ගනු ලැබේ. මංගලෝත්සව වලදී ඊට අාවේණික වූ ජයමංගල ගාථා ගයනු ලැබේ. උපන්දින සාදයකදී ඊට සුදුසු ගීත ගායනා කරනු ලැබේ. දේශපාලන රැස්වීමවලදී ජනතාව අාකර්ෂණය කරගැනීම සදහා සුදුසු ගීත යොදාගනු ලැබේ. පාසල් උත්සවවලදී ඊට සුදුසු සංගීත රටාවන් යොදාගනු ලැබේ. වෙසක් උත්සවවලදී එ් සදහා ඊට අාවේණික සංගීත රටාවක් උපයෝගි කරගන්නා බව පෙනේ. එ් අනුව විවිධ අවස්ථාවන් අනුව විවිධ සංගීත ශානර බිහි වී තිබෙන බව හදුනාගත හැකි වේ.